ശൈത്യകാല അലര്‍ജികളില്‍ നിന്ന് മൂക്കിനെ രക്ഷിക്കൂ
ശൈത്യകാല അലര്‍ജികള്‍ വളരെ സാധാരണമാണ്, നിലവിലെ പകര്‍ച്ചവ്യാധിയുടെ സാഹചര്യത്തില്‍ ഓരോരുത്തരും കൂടുതല്‍ ശ്രദ്ധാലുക്കളായിരിക്കണം. ശൈത്യകാല അലര്‍ജിയുടെ പ്രധാന അടയാളങ്ങളിലൊന്ന് മൂക്കടപ്പാണ്. മൂക്കൊലിപ്പ്, തൊണ്ടയില്‍ ചൊറിച്ചില്‍, കണ്ണില്‍ നിന്ന് നീരൊഴുക്ക്, ചുമ, തൊണ്ടവേദന, പനി തുടങ്ങിയവയ്ക്കും അലര്‍ജി കാരണമാകുമെന്ന് ഹൈദരാബാദിലെ കെയര്‍ ഹോസ്പിറ്റലിലെ കണ്‍സള്‍ട്ടന്റ് ഇഎന്‍ടി സര്‍ജന്‍ ഡോ.രണ്‍ബീര്‍ സിംഗ് പറയുന്നു.
നാസികാദ്വാരത്തിന്റെ ആവരണത്തിന്റെ വീക്കമാണ് പ്രധാനപ്രശ്‌നം. ഇത് വീര്‍ത്ത നാസികാദ്വാരങ്ങള്‍ക്ക് കാരണമാകുന്നു, ഇത് വായുസഞ്ചാരം നിയന്ത്രിക്കുകയും മൂക്കിലൂടെ ശ്വസിക്കുന്നത് ബുദ്ധിമുട്ടാക്കുകയും ചെയ്യുന്നു. ജലദോഷം, ചുമ എന്നിവയ്ക്കൊപ്പമാണ് മിക്കപ്പോഴും മൂക്ക് അടയുന്നത്. ഡോക്ടറുടെ നിര്‍ദേശപ്രകാരം മരുന്നുകള്‍ ഉപയോഗിച്ചും മൂക്ക് പതിവായി കഴുകിയും ഈ അലര്‍ജി പ്രശ്‌നങ്ങളില്‍ നിന്ന് രക്ഷപ്പെടാം. ഇത് മൂക്കിലെ പ്രതിരോധശേഷി നിലനിര്‍ത്തുക മാത്രമല്ല, മൂക്കിന്റെ പ്രവര്‍ത്തനം മെച്ചപ്പെടുത്തുകയും ചെയ്യുന്നു. പതിവ് മരുന്നുകള്‍ക്കൊപ്പം അലര്‍ജിക് റിനിറ്റിസ് ഉള്ളവര്‍ക്ക് ഒരു അനുബന്ധ ചികിത്സയായാണ് ഡോക്ടര്‍മാര്‍ പതിവായി മൂക്ക് കഴുകുന്നത് ശുപാര്‍ശ ചെയ്യുന്നത്.
മൂക്കിലെ ശുചിത്വ രീതികള്‍
ശൈത്യകാലത്ത് ഫലപ്രദമായ മൂക്ക് ശുചിത്വം പ്രധാനമാണ്. മൂക്കില്‍ മ്യൂക്കസ്, പൊടി, ബാക്ടീരിയ, വൈറസുകള്‍, ഫംഗസ് എന്നിവ അടിഞ്ഞുകൂടുന്നു, അതിനാല്‍ ഇത് 'അണുക്കള്‍ക്കും രോഗങ്ങള്‍ക്കും അനുയോജ്യമായ സാഹചര്യം സൃഷ്ടിക്കും. രോഗങ്ങള്‍ തടയുന്നതിന് മൂക്കിലെ ശുചിത്വം പ്രധാനമാണ്. സൈനസുകള്‍ വൃത്തിയുള്ളതും വ്യക്തവും ഈര്‍പ്പമുള്ളതുമായി സൂക്ഷിക്കുന്നത് നിങ്ങളുടെ മൂക്കിന്റെ ശരിയായ പ്രവര്‍ത്തനം ഉറപ്പാക്കുന്നതില്‍ നിര്‍ണായകമാണ്. സൈനസ് മര്‍ദ്ദം ഒഴിവാക്കുന്നതിനും മെച്ചപ്പെട്ട ശ്വസനം അനുവദിക്കുന്നതിനും മൂക്ക് കഴുകുന്നത് വളരെ ഫലപ്രദമാണ്.
